តាមប្រភពពី Barcelona បានអោយដឹងថាតារាឆ្នើមកីឡាករ Lionel Messi បានស្នើរសុំចាកចេញពីក្លឹបនារដូវក្ដៅនេះ។
ការរំពឹងទុកទៅលើអនាគតរបស់កីឡាករវ័យ ៣៣ ឆ្នាំរូបនេះបានផ្ទុះឡើងចាប់តាំងពីក្លឹប Barcelona ត្រូវបានក្រុម Bayern Munich បំបាក់មុខយ៉ាងអាម៉ាស់ក្នុងលទ្ធផល ៨-២ កាលពីដើមខែនេះ។
ទោះយ៉ាងណាពេលនេះក្លិបបានបញ្ជាក់ប្រាប់សារព័ត៌មាន The Associated Press ថា Messi ពិតជាបានដាក់សំណើរជាផ្លូវការដើម្បីចាកចេញពី Camp Nou ពិតប្រាកដមែន ហើយសំណើររបស់ Messi ដែលបានបញ្ជូនអោយក្លឹបយក្សកាតាឡាន់ ត្រូវបានដកស្រង់ឃ្លាមួយនៅក្នុងកិច្ចសន្យារបស់គាត់ថា Messi ច់ងចាកចេញដោយគ្មានតម្លៃខ្លួននៅរដូវក្ដៅនេះ បើទោះបីកុងត្រានៅសល់មួយឆ្នាំទៀតក៏ដោយ។
យ៉ាងណាមិញជុំវិញបញ្ហានេះដែលក្លឹប Barcelona កំពុងប្រើផ្នែកច្បាប់ដោះស្រាយជុំវិញស្ថានភាពនេះ។
គួរំលឹកផងដែរថា Messi បានចំណាយពេលពេញមួយអាជីពរបស់គាត់នៅឯក្លឹប Barcelona ដោយជួយក្លឹបឱ្យឈ្នះពានរង្វាន់ចំនួន ៣៣ ក្នុងនោះរួមមានពានរង្វាន់ធំ La Liga ១០ ដងនិង Champion League ចំនួន៤ដង។
ជាមួយគ្នានេះដែលកីឡាករសញ្ជាតិអាហ្សង់ទីនរូបនេះបានឈ្នះពានរង្វាន់ Ballons d'Or ចំនួន ៦ ដងនិងរកបាន ៦៣៤ គ្រាប់និង Assists ២៨៥ លើកក្នុងចំណោមការបង្ហាញខ្លួន ៧៣១ ប្រកួតសម្រាប់ក្លឹប Barcelona។
ប្រភពពី៖ Skysports
0 comments:
Post a Comment