ខ្សែប្រយុទ្ធឆ្នើម PSG ម្នាក់ទំនងជាអាច ជាសះស្បើយទាន់ការប្រកួត UCL នៅប្រទេសព័រទុយហ្កាល់

 

Kylian Mbappe អាចនឹងវិលត្រឡប់មកចូលរួមជាមួយ Paris St-Germain ក្នុងវគ្គ ៨ ក្រុមចុងក្រោយនៃពានរង្វាន់ Champions League សម្រាប់ការប្រកួតទល់នឹង Atalanta នៅទីក្រុងលីសបោន ។ កីឡាករសញ្ជាតិបារាំងរូបនេះកំពុងសម្រាកព្យាបាលរបួសហើយគ្រូបង្វឹកលោក Thomas Tuchel និយាយថា Mbappe នឹងជាសះស្បើយទាន់ពេលប្រសិនបើគ្មានរឿងអ្វីកើតឡើង ។

ទោះយ៉ាងណាលោក Tuchel នៅពេលនោះបានលើកឡើងថា Mbappe នឹងត្រូវបានប្រើអោយលេងជាកីឡាករបម្រុងទល់នឹងក្រុមមកពីអ៊ីតាលី ។លោកបាននិយាយថា៖ យើងពិតជារីករាយដែលមានលទ្ធភាពបញ្ចប់ការប្រកួតជាមួយ Kylian នៅលើទីលាន ។

ម្ចាស់ជើងឯក World Cup ២០១៨ Mbappe ដែលមានវ័យ ២១ ឆ្នាំបានរងរបួសកជើងអំឡុងពេល PSG ឈ្នះ French Cup ក្នុងវគ្គផ្តាច់ព្រ័ត្រ ទល់នឹង Saint-Etienne កាលពីថ្ងៃទី ២៤ ខែកក្កដាប៉ុន្តែគាត់អាចនឹងជាសះស្បើយទាន់ពេលសម្រាប់ការប្រកួតវគ្គ៨ ក្រុមចុងក្រោយ ។ រំឮកថាក្រុមម្ចាស់ជើងឯកបារាំងមិនដែលបានឈានដល់វគ្គពាក់ កណ្តាលផ្តាច់ព្រ័ត្រសម្រាប់ការប្រកួតពានអឺរ៉ុបឡើយចាប់តាំងពីពេលដែលប្រធានក្លឹបជនជាតិកាតាចូលកាន់កាប់តំណែងកាលពីជាងមួយទសវត្សរ៍មុន ។

ប្រភព ៖ bbc

Read More

ពេលនេះ Juventus ត្រៀមលក់ខ្សែបម្រើខ្លួនម្នាក់នៅរដូវក្ដៅ

យោងតាម Sky Italy បានអោយដឹងថា Aaron Ramsey អាចនឹងចាកចេញពីក្លឹប Juventus នៅរដូវក្តៅនេះដោយម្ចាស់ជើងឯក Serie A សុខចិត្តទទួលយកការផ្តល់ជូនសម្រាប់ខ្សែបម្រើរូបនេះ ។ កីឡាករអន្តរជាតិវេលស៍បានចូលរួមជាមួយក្រុមសេះបង្កង់ពីក្រុម Arsenal ក្នុងការផ្ទេរដោយគ្មានតម្លៃខ្លួនកាលពីរដូវក្តៅមុនបន្ទាប់ពីចំណាយពេល១១ ឆ្នាំនៅឯកីឡដ្ឋាន Emirates ។ កីឡាករវ័យ ២៩ ឆ្នាំដែលជាប់ទាក់ទងនឹងការវិលត្រឡប់ទៅក្របខ័ណ្ឌ Premier League វិញនៅសល់រយៈពេល ៣ ឆ្នាំទៀតលើកិច្ចសន្យារបស់គាត់ ។

ការលក់ Ramsey គឺជាលទ្ធភាពមួយប៉ុន្តែមិន មែនជាអាទិភាពសម្រាប់គ្រូបង្វឹកថ្មីរបស់ Juventus លោក Andrea Pirlo ដែលត្រូវបានតែងតាំងជំនួសលោក Maurizio Sarri កាលពីដើមសប្តាហ៍នេះឡើយ ។ Blaise Matuidi គ្រោងនឹងចូលរួមជាមួយក្រុម Inter Miami របស់លោក David Beckham នៅក្របខណ្ឌ MLS ខណៈដែល Sami Khedira និង Gonzalo Higuain ក៏ទំនងជានឹងចាកចេញពីក្លឹបនៅរដូវក្តៅនេះដែរ ។

Ramsey ស៊ុតបញ្ចូលទីបាន ៤ គ្រាប់ក្នុងការបង្ហាញខ្លួន ៣៥ ដងអំឡុងពេលយុទ្ធនាការឆ្នាំ ២០១៩/២០ ខណៈដែល Juventus បានឈ្នះពានរង្វាន់ Serie A ជាលើកទី ៩ របស់ពួកគេនិងជាលើកទី ៣៦ នៃប្រវត្តិសាស្ដ្រ ១២២ ឆ្នាំរបស់ក្លឹប ។

ប្រភព ៖ skysports

Read More

Bacelona រកឃើញកីឡាករមានផ្ទុកកូវីដ_ ស្ថិតិគ្រាប់បាល់នៅ UCL _ Man Utd ត្រូវលក់ចេញម្នាក់ណា

Read More

Man Utd ត្រៀមបើកចរចារឡើងវិញ សម្រាប់កីឡាករវ័យក្មេងមួយរូបរបស់ Barcelona

 

តាមសេចក្តីរាយការណ៍បានអោយដឹងថាក្រុមបិសាចក្រហម Manchester United បានត្រៀមចរចារម្ដងទៀតសម្រាប់ខ្សែប្រយុទ្ធវ័យជំទង់របស់ក្រុម Barcelona គឺកីឡាករ Ansu Fati ក្នុងឱកាសទីផ្សារដោះដូរកីឡាករនៅរដូវក្តៅនេះ។

កីឡាករវ័យ ១៧ ឆ្នាំរូបនេះបានបង្ហាញខ្លួនដ៏គួរអោយចាប់អារម្មណ៍សម្រាប់រដូវកាលនេះដោយស៊ុតបញ្ចូលទីបាន៨គ្រាប់ក្នុងចំណោមការបង្ហាញខ្លួន៣២លើកសម្រាប់គ្រប់ការប្រកួតទាំងអស់របស់ក្រុម Barcelona ក្នុងរដូវកាលនេះ។

យ៉ាងណាមិញក្រុមបិសាចក្រហម Manchester United ដែលតែងតែចាប់ចិត្តជាមួយខ្សែប្រយុទ្ធវ័យក្មេងរូបនេះ បាននិងកំពុងត្រៀមចរចារឡើងវិញម្ដងទៀតជាមួយក្រុម Barca ។ ដោយក្នុងនោះបើតាមការចុះផ្សាយរបស់សារពត៍មាន Sport បានអោយដឹងថា បន្ទាប់ពីមានភាពមិនច្បាស់លាស់ជាមួយនឹងការចរចារជាមួយក្រុម Dortmund ក្នុងការចុះហត្ថលេខាសម្រាប់កីឡាករ Jadon Sancho រួចមក បានធ្វើអោយក្រុមម្ចាស់ជើង Premier League ២០សម័យកាលមួយនេះ បានបង្វែរទិសដៅរបស់ខ្លួនដោយត្រៀមចូលតុចរចារឡើងវិញលើការផ្ទេរ Fati។

តែទោះជាយ៉ាងណាក្រុមយក្សកាតាឡាន់មួយនេះនៅតែមានឆន្ទៈក្នុងការរក្សាកីឡាករវ័យក្មេងរបស់ខ្លួនដដែល។ខណៈបើតាមការដឹងគឺ Ansu Fati នៅសល់កុងត្រារយៈពេល២ឆ្នាំទៀតជាមួយក្រុម Barcelona។

អត្ថបទដកស្រង់៖ Sportmole

Read More

ថ្នាក់លើ Chelsea ម្នាក់ថា រដូវកាលដំបូងរបស់ Lampard ជាមួយក្លឹបអាចចាត់ទុកថាធ្វើបានល្អហើយ

 

ក្រុមប្រឹក្សាភិបាលរបស់ Chelsea ជឿជាក់ថាលោក Frank Lampard បានរីករាយដែលទទួលបានជោគជ័យក្នុងរដូវកាលដំបូងនៅឯទឹកដី Stamford Bridge ។ Lampard ដឹកនាំក្រុមតោខៀវទទួលបានចំណាត់ថ្នាក់លេខ៤ ក្នុងក្របខ័ណ្ឌ Premier League ខណៈដែលពួកគេក៏ បានឈានដល់វគ្គផ្តាច់ព្រ័ត្រពានរង្វាន់ FA Cup ដែរ ទោះបីជាចាញ់ Arsenal ក៏ដោយ ។ ហើយលោកប្រធាន Bruce Buck បានអបអរសាទរចំពោះគ្រូបង្វឹករូបនេះ ដែលជួយក្លឹបដណ្ដើមបានកៅអីលេងនៅក្របខ័ណ្ឌ Champions League សម្រាប់រដូវកាលក្រោយ ។

Lampard ដែលជាអតីតខ្សែបម្រើ Chelsea បានបង្កើតយុគសម័យថ្មីនៅក្លឹបទីក្រុងឡុងដ៍ដែលធ្វើអោយថ្នាក់លើរបស់ក្លឹបមានការចាប់អារម្មណ៍យ៉ាងខ្លាំង ។ លោក Buck បាននិយាយថា៖ នៅមជ្ឈដ្ឋានជុំវិញយើងគិតថា វាជារដូវដែលទទួលបានជោគជ័យខ្លាំងមួយ ។ ខ្ញុំគិតថាជាក់ស្តែងយើងនឹងកាន់តែរីករាយជាងនេះ ប្រសិនបើយើងឈ្នះ FA Cup ។

ប៉ុន្តែខ្ញុំប្រាកដថាអ្នកចាត់ការទូទៅនិងកីឡាករមិនបានវង្វេងស្មារតីដោយសារមិនឈ្នះពានរង្វាន់ឡើយ ។ លោក Buck បានបន្ថែមថា៖ « Frank Lampard គឺជាកម្លាំងវិជ្ជមានមួយសម្រាប់ Chelsea ។ គាត់នៅតែបានបង្ហាញភាពជឿជាក់ជាច្រើនដល់ក្លឹប ។ ហើយវាជាពេលវេលាដ៏រំភើបមួយសម្រាប់ពួកយើង ។

ប្រភព ៖ skysports

Read More

Dortmund ប្រកាសថា Sancho បានកុងត្រាជាមួយក្លឹបដោយសម្ងាត់ ធ្វើឱ្យ Man Utd អស់ឱកាស.......

 

ក្រុមបិសាចក្រហម Manchester United ត្រូវបានគេរាយការណ៍ថា ចង់ចុះហត្ថលេខា Jadon Sancho ជាយូរមកហើយប៉ុន្តែកិច្ចព្រមព្រៀងមួយនេះហាក់ដូចជាត្រូវបានបញ្ចប់ ដោយកីឡាករអន្ដរជាតិអង់គ្លេសកំពុងស្នាក់នៅ Borussia Dortmund ដដែល ។ លោក Michael Zorc ប្រធានផ្នែកកីឡារបស់ Dortmund បានប្រាប់អ្នកយកព័ត៌មានកាលពីថ្ងៃច័ន្ទថា៖ Jadon Sancho នឹងលេងអោយយើងក្នុងរដូវកាលខាងមុខនេះ ។ ខ្ញុំគិតថាចម្លើយនោះ អាចបញ្ជាក់សំណួរទាំងអស់របស់អ្នកគាំទ្រ ។ លើសពីការសម្រេចចិត្តនោះលោក Zorc បានប្រកាសថាកិច្ចសន្យារបស់ Sancho ត្រូវបានពង្រីកដោយសម្ងាត់កាលពីរដូវក្តៅឆ្នាំមុន ។

កាលពីរដូវក្តៅមុនយើងបានដំឡើងប្រាក់ឈ្នួលរបស់ Jadon រួចហើយដើម្បី អោយសមនឹងការអភិវឌ្ឍរបស់គាត់ ។ ទាក់ ទងនឹងរឿងនោះយើងបានបន្តកិច្ចសន្យារបស់គាត់ដល់ឆ្នាំ ២០២៣ ។ កាសែតក្នុងស្រុក Ruhr Nachrichten ទទូចថាមិនមានឃ្លាណាមួយដែលត្រូវបានបញ្ចូលនៅក្នុងកិច្ចព្រមព្រៀងថ្មីនេះទេ ។ Man Utd បានសង្ឃឹមថានឹងចុះហត្ថលេខាជាមួយ Sancho នៅរដូវក្តៅនេះប៉ុន្តែត្រូវបានគេរាយការណ៍ថាមិនមានឆន្ទៈចង់ចំណាយតម្លៃតាមការស្នើសុំ ១២០ លានផោនរបស់ Dortmund ឡើយ ។

របាយការណ៍បានលើកឡើងថាពួកគេមានទំនុកចិត្តលើកិច្ចព្រមព្រៀងមួយសម្រាប់កីឡាករម្នាក់ដែលនៅសល់តែ ២ ឆ្នាំទៀតលើកិច្ចសន្យារបស់គាត់ ។ ទោះយ៉ាងណាអ្វីគ្រប់យ៉ាងបានផ្លាស់ប្តូរ ។ Dortmund បានកំណត់ពេលវេលាកំណត់ត្រឹមថ្ងៃទី ១០ ខែសីហាដើម្បីអោយ United ដាក់សំណើរសមរម្យប៉ុន្តែពួកគេហាក់យកចិត្តទុកដាក់ខ្លាំង ហើយ Sancho នឹងបន្តស្ថិតនៅក្នុងប្រទេសអាឡឺម៉ង់សម្រាប់ឆ្នាំ ២០២០/២១ ។

ប្រភព ៖ Onefootball

Read More

គ្រូធំ AC Milan ចង់អោយតារាឆ្នើមរូបនេះយល់ព្រមចុះហត្ថលេខាលើកុងត្រាថ្មីជាមួយក្លឹប

 

គ្រូបង្វឹករបស់ក្លឹប AC Milan លោក Stefano Pioli បានបង្ហើបអោយដឹងថា លោកចង់អោយ Zlatan Ibrahimovic ចុះហត្ថលេខាបន្ដកុងត្រាថ្មីជាមួយក្លឹប ។លោក Pioli បាននិយាយថាការផ្លាស់ប្តូរពាក់កណ្ដាលរដូវកាលចុងក្រោយរបស់ Milan គឺដោយសារការមកដល់របស់ខ្សែប្រយុទ្ធសញ្ជាតិស៊ុយអែតរូបនេះ ។ លោក Pioli បានប្រាប់ La Repubblica ថា៖ នៅឆ្នាំ ២០២០ មានតែ Atalanta ប៉ុណ្ណោះដែលរកបានពិន្ទុច្រើនជាងយើង ។

មិនមានអ្វីគ្រប់យ៉ាងដំណើរការរលូនពេញមួយរដូវកាល នោះទេប៉ុន្តែគាត់បានធ្វើអោយអ្វីៗគ្រប់យ៉ាងមើលទៅមានភាពងាយស្រួល ។ វាមិនត្រឹម ត្រូវទេដែលនិយាយអំពីអាយុរបស់គាត់ព្រោះគាត់មានជំនាញ ១០០ ភាគរយ ។ គាត់បានបង្រៀនកីឡាករក្មេងៗពីសមត្ថភាពប្រកួត ប្រជែងនៅក្នុងវគ្គហ្វឹកហាត់នីមួយៗ ។ គាត់ជាមនុស្សដំបូងដែលបានមកដល់ហើយចុងក្រោយត្រូវចាកចេញ ។

ទាំងនេះគឺជាសញ្ញាដ៏រឹងមាំ ។ Zlatan មានការគោរពយ៉ាងខ្លាំងចំពោះតួនាទី ហើយគាត់បានបង្កើនការប្រកួតប្រជែងខ្លាំង ។ គាត់មានការខឹងសម្បារយ៉ាងខ្លាំងចំពោះការឆ្លងកាត់មិន សូវល្អនៅក្នុងតំបន់ torello ។ លោកបានបន្ថែមថា៖ យើងជឿជាក់ថាគាត់គួរតែបន្តនៅជាមួយយើង ។ គួរបញ្ជាក់ថា រដូវកាល ២០១៩/២០ បានបញ្ចប់ហើយ ដោយ AC Milan រួមទាំងក្រុមនៅក្របខណ្ឌ Serie A ទាំងអស់កំពុងសម្រាកវិសមកាល រង់ចាំបើករដូវកាលថ្មី ។

ប្រភព ៖ Onefootball

Read More