ខ្សែបម្រើ Bayern Munich ម្នាក់ចង់ចាកចេញពីក្លឹបដើម្បីអាចលេងក្រោមដឹកនាំរបស់លោក Jurgen Klopp

បើតាមប្រភពមួយបានអោយដឹងថា កីឡាករ Thiago Alcantara របស់ក្រុម Bayern Munich មានបំណងចង់លេងក្រោមការដឹកនាំរបស់លោក Jurgen Klopp ។ ប៉ុន្ដែបច្ចុប្បន្ន Liverpool មិនបានសម្លឹងមើលការពង្រឹងតំបន់បម្រើឡើយ ។ មិនមានការបង្ហាញថាស្ថានភាពនឹងផ្លាស់ប្តូរទេប៉ុន្តែប្រសិនបើវាកើតឡើងកីឡាករអន្តរជាតិអេស្ប៉ាញវ័យ ២៩ ឆ្នាំរូបនេះនឹងមានឈ្មោះដែលក្រុមហង្សក្រហមអាចធ្វើការពិចារណា ។ Thiago នៅសល់មួយឆ្នាំទៀតលើកិច្ចព្រមព្រៀងរបស់គាត់នៅឯទឹកដី Allianz Arena ហើយគាត់បានប្រាប់ពួកគេថាគាត់ចង់ចាកចេញដើម្បីស្វែងរកការប្រកួតប្រជែងជាថ្មី ។

នាយកកីឡារបស់ក្លឹប Bayern លោក Karl-Heinz Rummeniggesaid បាននិយាយថា៖ នៅសប្តាហ៍នេះពួកគេនឹងទទួលយកតម្លៃសមរម្យមួយសម្រាប់គាត់ ដែលត្រូវបានគេជឿជាក់ថាមានតម្លៃ ៣០ លានផោន ។ ប៉ុន្តែដោយមាន Fabinho, Naby Keita, Georginio Wijnaldum, Jordan Henderson, Alex Oxlade-Chamberlain, James Milner និង Curtis Jones លោក Klopp អាច មានជម្រើសច្រើនក្នុងតំបន់បម្រើ ។

យ៉ាងណាមិញលោក Hansi Flick ដែលជាគ្រូបង្វឹករបស់ក្រុម Bayern Munich មានអារម្មណ៍ថាការផ្លាស់ប្តូរទៅកាន់ក្របខ័ណ្ឌ Premier League ពិតជាល្អសម្រាប់ Thiago ។ នៅក្នុងបទសម្ភាសន៍ជាមួយ Sport Bild លោក Flick បាននិយាយថា៖ Thiago ធ្លាប់លេងអោយ Barcelona និង ៧ ឆ្នាំសម្រាប់ Bayern Munich ។ គាត់ចង់បានការប្រកួតប្រជែងថ្មីដែលតាមគំនិតរបស់ខ្ញុំគួរតែជា Premier League ។ គាត់គឺជាកីឡាករសំខាន់ណាស់សម្រាប់យើងដែលផ្តល់អោយក្រុមនូវអ្វីដែលជាក់លាក់ហើយយើងត្រូវតែរកអ្នកជំនួសគាត់ដែលមានគុណភាពប្រហាក់ប្រហែលគ្នា ។

ប្រភព ៖ skysports

Read More

Juventus ប្រកាសចែកផ្លូវជាមួយតារាឆ្នើមខ្លួនម្នាក់មុនកិច្ចសន្យាផុតកំណត់

 

ក្រុម Juventus បានប្រកាសថាពួកគេនឹងអនុញ្ញាតអោយ Blaise Matuidi ចាកចេញមុនកិច្ចសន្យារបស់គាត់ផុតកំណត់ដោយ មានការព្រមព្រៀងគ្នា ។ Matuidi ត្រូវបានគេរំពឹងថានឹងផ្លាស់ទៅ Inter Miami ។ នៅក្នុងសេចក្តីថ្លែងការណ៍មួយរបស់ Juventus បានបញ្ជាក់ថា៖ ខ្សែបម្រើសញ្ជាតិបារាំងរូបនេះចាកចេញពីក្លឹបបន្ទាប់ពីចំណាយពេល៣ ឆ្នាំនិងបានឈ្នះពានរង្វាន់ចំនួន៥ ជាមួយក្លឹប ។ ខ្សែបម្រើដែលបានឈ្នះជើងឯកពិភពលោក World Cup ឆ្នាំ ២០១៨ ជាមួយបារាំងរូបនេះក៏ធ្លាប់ឈ្នះ Ligue 1 ៥លើកជាមួយ Paris Saint-Germain ផងដែរមុនពេលផ្លាស់ទៅទីក្រុង Turin នៅរដូវក្តៅឆ្នាំ ២០១៧ ។

Matuidi លេងបាន ១៣៣ ប្រកួតនៅ Juve ហើយចាប់តាំងពីគាត់មកដល់ ក្រៅពី Paulo Dybala គ្មានកីឡាករណាម្នាក់ដែលបង្ហាញខ្លួនច្រើនជាងគាត់ឡើយ ។ ការប្រកួតដំបូងរបស់គាត់គឺកាលពីថ្ងៃទី ១៩ ខែសីហាឆ្នាំ ២០១៧ ក្នុងជ័យជម្នះ ៣-០ លើក្រុម Cagliari ។ ចំណែកឯគ្រាប់បាល់ដំបូងរបស់គាត់គឺរក បានក្នុងជំនួបទល់នឹង Bologna ។

លើសពីនេះទៅទៀតកាលដែលមានគាត់នៅតំបន់កណ្តាលគឺធ្វើអោយមានភាពខុសប្លែកគ្នាហេតុនេះហើយទើបធ្វើអោយគាត់ក្លាយជាកីឡាករដែលទទួលបានការស្រឡាញ់ពីសំណាក់អ្នកគាំទ្ររបស់ក្រុម Juventus ចំពោះការប្តេជ្ញាចិត្តនិងសមត្ថភាពរបស់គាត់មិនដែលបោះបង់ ។ Blaise គឺជាមនុស្ស ម្នាក់ដែលតែងតែស្ថិតនៅក្នុងបេះដូងរបស់យើងជានិច្ចហើយយើងសូមជូនពរអោយគាត់មានសុខភាពល្អបំផុតសម្រាប់ពេលអនាគត ។

ប្រភព ៖ Onefootball

Read More

កូនបិសាចក្រហមម្នាក់សង្ឃឹមថាអាចបន្ដកុងត្រាថ្មីជាមួយក្លឹប

 

នៅពេល Europa League បានបញ្ចប់ Paul Pogba រំពឹងថាក្រុមបិសាចក្រហម Manchester United នឹងបើកកិច្ចចរចាកិច្ចសន្យាថ្មីនៅពេលដែលយុទ្ធនាការ Europa League របស់ពួកគេបញ្ចប់ ។ ខ្សែបម្រើរូបនេះនៅសល់មួយឆ្នាំទៀតលើកិច្ចសន្យាបច្ចុប្បន្នរបស់គាត់នៅ Old Trafford ដោយមានជម្រើសក្នុងការបន្ត ១២ ខែទៀត ។ កីឡាករអន្តរជាតិបារាំងរូបនេះបានផ្សារភ្ជាប់ជាមួយក្លឹប Real Madrid និងអតីតក្លឹប Juventus កាលពីរដូវក្តៅមុនប៉ុន្តែឥឡូវនេះហាក់មានបំណងចុះកិច្ចសន្យាថ្មីនៅ United ។

Pogba បានខកខានភាគច្រើននៃយុទ្ធនាការដែលអូសបន្លាយឆ្នាំ ២០១៩-២០ តាមរយៈការរងរបួសប៉ុន្តែការវិលត្រឡប់ដ៏គួរអោយចាប់អារម្មណ៍របស់គាត់ចំពោះការចាប់ផ្តើមនៃរដូវកាលថ្មីនេះអាចបញ្ចប់នៅ Europa League ជាមួយនឹងកិច្ចព្រមព្រៀងថ្មីដែលត្រូវបានអនុវត្ត ។ Sky Sports News បានរាយការណ៍ថា៖ Pogba សប្បាយចិត្តនៅ United ហើយគាត់រំពឹងថាពួកគេនឹងបើកកិច្ចពិភាក្សាកិច្ចសន្យានៅពេលដែលយុទ្ធនាការ Europa League របស់ពួកគេបញ្ចប់ ។

កុងត្រាបច្ចុប្បន្នរបស់គាត់នឹងចប់នៅរដូវក្តៅឆ្នាំក្រោយប៉ុន្តែ United តែងតែបញ្ចូលជម្រើសនៅឆ្នាំនេះដូច្នេះក្លឹបដទៃមិនអាចទទួលបានការផ្ទេរដោយឥតគិតថ្លៃនោះឡើយ ។ ចំពោះ Jesse Lingard វិញក៏ដូចជា Pogba ដែរ គាត់នៅសល់កិច្ចសន្យា ១ ឆ្នាំទៀតជាមួយនឹងជម្រើសបន្ដ ១២ ខែទៀត ។ ដូច្នេះពិតណាស់ការសម្រេចគឺត្រូវធ្វើឡើងសម្រាប់ Lingard និង Pogba នៅពេលដែល United ចុះហត្ថលេខានាំយកកីឡាករដទៃទៀតមកកាន់ក្រុម ។

ប្រភព ៖ skysports

Read More

PSG ឈានដល់វគ្គ១/២ផ្ដាច់ព្រ័ត្រជាលើក ដំបូងរយៈពេល២៥ឆ្នាំ ខណៈ Neymar តាមស្មើកំណត់ត្រាពិសេសមួយរបស់ M10

 

Paris Saint-Germain រកគ្រាប់បាល់បាន២គ្រាប់ នៅម៉ោងបន្ថែម យកឈ្នះទៅលើក្រុម Atalanta ដើម្បីឡើងទៅកាន់វគ្គពាក់កណ្ដាលផ្ដាច់ព្រ័ត្រ Champions League ជាលើកដំបូងក្នុងរយៈពេល២៥ ឆ្នាំចុងក្រោយ ។ Atalanta បានរកគ្រាប់បាល់នាំមុខដោយខ្សែបម្រើ Mario Pasalic នៅនាទីទី២៦ ប៉ុន្ដែ PSG ទទួលបានឱកាសចុងម៉ោងក្នុងការវាយបកនៅពេលដែល តារាឆ្នើម Neymar បញ្ជូនបាល់អោយខ្សែការពារ Marquinhos ស៊ុតបញ្ចូលទីតាមស្មើ នៅនាទីទី៩០ ហើយ Eric Maxim Choupo-Moting ជាអ្នករកគ្រាប់បាល់ជ័យជំនះ ។

គួរបញ្ជាក់ថា PSG នឹងត្រូវរង់ចាំមើលលទ្ធផល ការប្រកួតរវាងក្រុម RB Leipzig និង Atletico Madrid នារាត្រីនេះ ដើម្បីរកអ្នកឈ្នះ ជួបប្រកួតជាមួយពួកគេ នៅក្នុងវគ្គពាក់កណ្ដាលផ្ដាច់ព្រ័ត្រ ដែលធ្វើឡើងនៅរាត្រីថ្ងៃអង្គារសប្ដាហ៍ក្រោយ ។ ក្រោយចប់ការប្រកួត Neymar បាននិយាយថា៖ ខ្ញុំមិនដែលគិតពីការត្រលប់ទៅផ្ទះវិញនោះទេ ។ ចាប់តាំងពីពេលហ្វឹកហាត់កំដៅសាច់ដុំ រហូតដល់ចប់ការប្រកួត យើងមានជំនឿចិត្ត ។

យើងមិន ដែលបោះបង់នោះទេ ។ គ្មាននរណាម្នាក់អាចយកការតាំងចិត្តឡើងទៅវគ្គផ្ដាច់ព្រ័ត្រ ចេញពីខ្ញុំបានឡើយ ។ យើងគឺជាក្រុមដ៏អស្ចារ្យ យើងគឺជាគ្រួសារ ដូច្នេះយើងដឹងថា ជាមួយនឹងការតាំងចិត្តបែបនេះ វាពិបាកក្នុងការទំលាក់យើងណាស់ ។ នៅក្នុងការប្រកួតនោះ កីឡាករវ័យ២៨ឆ្នាំ ក៏ធ្វើបានកំណត់ត្រាពិសេសមួយផងដែរ គឺញាក់បាល់ផុតគូ ប្រកួត១៦លើក ដែលជាកំណត់ត្រាច្រើនបំផុតនៅ Champions League ស្មើជា មួយ Lionel Messi ធ្លាប់ធ្វើបាននៅក្នុងការប្រកួត សម្រាប់ក្រុម Barcelona ទល់នឹង Manchester United កាលពីខែមេសាឆ្នាំ ២០០៨ ។

ប្រភព ៖ bbc

Read More

Gabriel Jesus ទទូចថា ក្រុមរបស់ខ្លួនបានរៀនសូត្រពីកំហុសដែលបរាជ័យកន្លងទៅ ទើបអាចឈានដល់កំរិតកំពូល

 

តារាឆ្នើមរបស់ក្លឹប Manchester City កីឡាករ Gabriel Jesus ជឿជាក់ថាក្រុមរបស់ខ្លួនបានរៀនសូត្រពីកំហុសកាលពីមុននៅក្នុងពានរង្វាន់អឺរ៉ុប ។ ក្រុមរបស់លោក Pep Guardiola បានស៊ូទ្រាំនឹងការលំបាកក្នុងដំណាក់កាលចុងក្រោយនៃពានរង្វាន់ UEFA Champions League នាប៉ុន្មានរដូវកាលចុងក្រោយនេះ ។ ប៉ុន្តែនៅពេលនេះពួកគេមានឱកាសធ្វើដំណើរទៅប្រកួតនៅព័រទុយហ្កាល់ ហើយសង្ឃឹមថានឹងបង្កើតប្រវត្តិសាស្ត្រដោយឈ្នះពានរង្វាន់អ៊ឺរ៉ុបលើកដំបូង ។ ខ្សែប្រយុទ្ធអន្ដរជាតិប្រេស៊ីលរូបនេះបានប្រាប់អ្នកយកព័ត៌មានថា៖ យើងត្រូវតែមានក្ដីស្រមៃ ។

ខ្ញុំជាអ្នកសុបិនហើយអាចស្រមៃខ្លួន ខ្ញុំជាមួយនឹងពានរង្វាន់នៅលើដៃរបស់ខ្ញុំ ។ ប៉ុន្តែដឹងថាការពិតគឺខុសគ្នាយើងត្រូវតែប្រឹងប្រែងដើម្បីបង្ហាញពីការលះបង់របស់យើង ។ ហើយការឈ្នះគឺជារឿងសំខាន់បំផុត ។ Gabriel បានបន្តទៀតថា៖ ក្នុងនាមជាក្រុមមួយយើងបានឈានទៅរកភាពល្អប្រ សើរបន្ទាប់ពីការធ្លាក់ចេញពីការប្រកួតក្របខ័ណ្ឌ Champions League កាលពីលើកមុន ។

គ្មាននរណាម្នាក់ចូលចិត្តការបរាជ័យនោះទេ យើងមានការខកចិត្តជាពិសេសព្រោះវាជាការប្រកួតដណ្តើមពានរង្វាន់ធំបំផុតនៅទ្វីបអឺរ៉ុប ។ នេះគឺជាបាល់ទាត់រឿងទាំងនេះបានកើតឡើង ហើយយើងត្រូវទទួលយកការពិត ។ យើងមិនមានការសោកស្តាយទេហើយយើងក៏មិនមានពេលវេលាសោកស្តាយដែរនៅក្នុងវិស័យបាល់ទាត់អ្នកមិនមានពេលវេលាសម្រាប់រឿងទាំងនោះទេព្រោះយើងមានឱកាសសម្រាប់ធ្វើការប្រកួតដ៏អស្ចារ្យមួយផ្សេងទៀតនៅឆ្នាំនេះ ។

ប្រភព ៖ Onefootball

Read More

ខ្សែប្រយុទ្ធហង្សក្រហមម្នាក់ ធានាជួយក្លឹបអោយឈ្នះពានរង្វាន់ម្ដងទៀតនៅរដូវកាលក្រោយ

 

កីឡាករ Sadio Mane បានធានាដល់អ្នកគាំទ្រ Liverpool ថា គាត់មានកម្លាំងចិត្តដូចពេលមុន ៗ ដែរក្នុងការជួយក្រុមមួយនេះអោយឈ្នះពានជាច្រើននារដូវកាលក្រោយ ។ បន្ទាប់ពីបានលើកពានរង្វាន់ចំនួន ៤ ក្នុងឆ្នាំកន្លងមករួមទាំងពានរង្វាន់ UEFA Super Cup កីឡាករអន្តរជាតិសេណេហ្គាល់នៅតែមានឆន្ទះក្នុងការនាំយកជោគជ័យដ៏អស្ចារ្យមកកាន់ទឹកដី Anfield ។ ក្រៅពីការឈ្នះពានរង្វាន់ក្របខ័ណ្ឌ Premier League រួមជាមួយខ្សែប្រយុទ្ធ Mohamed Salah និង Roberto Firmino កីឡារវ័យ ២៨ឆ្នាំរូបនេះបានបង្ហើបថាគាត់ចង់ឈ្នះអ្វីៗគ្រប់យ៉ាងជាថ្មីម្ដងទៀត ។

គាត់បាននិយាយថា៖ ខ្ញុំតែងតែចង់ឈ្នះទាំងពីរ ។ ទោះបីនៅពេលដែលខ្ញុំឈ្នះ Champions League ពេលនោះខ្ញុំពិតជាចង់ឈ្នះ Premier League ។ ពេលនេះខ្ញុំបានឈ្នះទាំងជើងឯក Champions League និង Premier League ហើយប្រាកដណាស់ ខ្ញុំចង់ឈ្នះវាទាំងពីរជាថ្មីម្តងទៀត ។ ខ្ញុំគិតថាសម្រាប់ខ្ញុំរាល់ពានរង្វាន់ទាំងអស់គឺសំខាន់យើងធុញទ្រាន់ក្នុងឈ្នះទេ ហើយយើងចង់ឈ្នះវាម្ដងហើយម្តងទៀត ។

បញ្ជាក់ថា ក្រោមការដឹកនាំរបស់អ្នកចាត់ការលោក Jurgen Klopp ហង្សក្រហម Liverpool បានប្រែក្លាយជាក្លឹបដ៏ខ្លាំងបំផុតមួយនៅទ្វីបអឺរ៉ុបដោយបានឈ្នះពានរង្វាន់ជាច្រើនរួមទាំង Premier League ដែលរដូវកាលទើបតែបញ្ចប់កាលពីមុននេះ ។

ប្រភព ៖ Onefootball

Read More

Real ចង់យកតារាឆ្នើមម្នាក់ដែលអោយ Arsenal ខ្ចីជើង មករួមក្រុមនៅរដូវកាលក្រោយ

 

ជាធម្មតាការឈ្នះពានលីគនិងការបានទៅលេងនៅ Champions League គឺគ្រប់គ្រាន់សម្រាប់ក្រុមភាគច្រើនប៉ុន្តែការបរាជ័យក្នុងការឈ្នះរាល់ពានរង្វាន់បុគ្គលតែងតែធ្វើអោយមានប្រតិកម្មនៅឯក្លឹប Real Madrid ។ គ្មានអ្វីដែលគួរអោយឆ្ងល់ទេដែលថាការធ្លាក់ចេញពី Champions League ក្រោមថ្វីជើង Man City ធ្វើអោយពួកគេឈឺចាប់ហើយរបាយការណ៍ពី AS បានបង្ហាញថាក្លឹបស្ដេចសបានផ្លាស់ប្តូរផែនការរបស់ពួកគេជាមួយ Dani Ceballos ។

Ceballos កំពុងលេងអោយ Arsenal ក្រោមការដឹកនាំរបស់លោក Mikel Arteta ហើយសារព័ត៌មាន The Metro បានរាយការណ៍ថាពួកគេចង់រក្សាគាត់យ៉ាងហោចណាស់មួយរដូវកាលទៀត ។ រឿងនោះមើលទៅហាក់មិនទំនងទេ ដោយ AS បានលើកឡើងថា ប្រសិនបើ Real ពិចារណាអោយគាត់ស្នាក់នៅ Arsenal រដូវកាលមួយទៀតអាចជារឿងល្អសម្រាប់ការអភិវឌ្ឍរបស់គាត់ ។

ទោះយ៉ាងណា ឥឡូវនេះពួកគេបានសំរេចចិត្តនាំគាត់ត្រឡប់មកវិញហើយកីឡាកររូបនេះអាចនឹងទទួលបានឱកាសគួរអោយចាប់អារម្មណ៍នៅថ្ងៃខាងមុខ ។ AS សង្កត់ធ្ងន់ថា៖ លោក Zidane បាននិយាយចុងក្រោយនៅទីនេះដូច្នេះមាន ឱកាសដែលគាត់ប្រហែលជាមិនធ្វើបានល្អគ្រប់គ្រាន់ដើម្បីស្ថិតនៅក្នុងក្រុមដំបូងប៉ុន្តែស្តាប់មើលទៅហាក់ដូចជាត្រូវការរកជម្រើសផ្សេង ។ Madrid បានចុះហត្ថលេខាគាត់ក្នុងឆ្នាំ ២០១៧ ដើម្បីស្នងតំណែងចុងក្រោយរបស់ Luka Modric ហើយពួកគេបានបង្ហាញថាពេលវេលារបស់គាត់ដែលត្រូវបោះជំហានទៅមុខនិងធ្វើអ្វីដែលគាត់គួរធ្វើ សម្រាប់ក្លឹប ។

ប្រភព ៖ Onefootball

Read More