ក្រុមគោជល់អេស៉្បាញបានប្រកាសថា ពួកគេនឹងធ្វើដំណើរទៅកាន់ប្រទេសព័រទុយហ្កាល់សម្រាប់ការប្រកួតមិត្តភាពនៅថ្ងៃទី ៧ ខែតុលាខាងមុខនេះ ។ ការប្រកួតរវាងប្រទេសជិតខាងនឹងត្រូវធ្វើឡើងនៅទីក្រុងលីសបោនមុនពេលក្រុមជម្រើសជាតិទាំងពីរនឹងធ្វើការប្រកួតនៅក្នុងព្រឹត្តិការណ៍ Nations League អំឡុងពេលការប្រកួតអន្តរជាតិនៅខែតុលា ។ ក្រុមរបស់លោក Luis Enrique នឹងធ្វើជាម្ចាស់ផ្ទះទទួលក្រុមស្វីសនៅថ្ងៃទី ១០ ខែតុលាមុនពេលធ្វើ ដំណើរទៅអ៊ុយក្រែននិងអាល្លឺម៉ង់នៅ ៣ ថ្ងៃបន្ទាប់នៅក្នុងពូល៤ ។
ចំណែកឯក្រុមការពារតំណែងជើងឯកព័រទុយហ្កាល់វិញគឺត្រូវធ្វើដំណើរទៅប្រទេសបារាំងនៅថ្ងៃទី ១១ ខែតុលា មុនពេលធ្វើការប្រកួតក្នុងផ្ទះជាមួយស៊ុយអែត ។ អេស្ប៉ាញក៏ត្រូវបានកំណត់សម្រាប់កាតព្វកិច្ចប្រកួតមិត្តភាពទល់នឹងហូឡង់នៅក្នុងខែវិច្ឆិកាដោយកិច្ចប្រជុំនោះគ្រោងនឹងធ្វើឡើងនៅខែមីនាមុនពេលជំងឺ រាតត្បាតកូរ៉ូណាបណ្តាលអោយមានការផ្លាស់ប្តូរយ៉ាងខ្លាំងចំពោះកាលវិភាគ ។
មិនតែ ប៉ុណ្ណោះក៏បានធ្វើអោយព្រឹត្ថិការណ៍ Euro ឆ្នាំ ២០២០ ត្រូវបានពន្យាពេលហើយនឹងត្រូវរៀបចំឡើងវិញនៅខែមិថុនានិងខែកក្កដាឆ្នាំ ២០២១ ដែរ ។ គួររំឮកថា អេស៉្បាញបានធ្វើអោយអ្នកគាំទ្រវិស័យបាល់ទាត់ទូទាំងពិភពលោកមានការភ្ញាក់ផ្អើលយ៉ាងខ្លាំង ក្រោយពីពួកគេបានក្លាយជាម្ចាស់ជើងឯក Euro ២០០៨, ២០១២ និង World Cup ២០១០ ។
ប្រភព ៖ Onefootball
